Banyak partai banyak rejeki

17 07 2008

 

 “Wah… taun depan bakalan ada pemilu lagi ye bang?” tanya mpok Indun ke bang Sanip, lakinye nyang tukang ojek sore itu.

“Iye emang kenape, elu pake tanya kayak gitu segala,” jawab Sanip sambil ngelapin motornya yang abis dicuci.

“Kagak sih bang, cuma itu nyang ikut tambah ngejublek aje. Masak sampe 34 partai banyaknye, ntar gimane nyoblosnya, banyak yang bingung deh,” timpal Indun sok tau.

“Emang peraturannye kayak gitu, setiap orang bisa bikin partai ye.. kagak ape-ape kan, nyang penting ada modal sama ade pengurusnye,” kali ini Sanip nyaut lagak kayak pengamat.

Emang bener, Komisi Pemilihan Umum (KPU) pada hari Senen tanggal 7 Juli 2008 udah netapin 34 parpol nasional dan enam parpol lokal Aceh nyang lolos verifikasi dan bolehnye ikuti Pemilu 2009.

“Tapi Ndun, gue nggak abis pikir, kenape elu ujug-ujug nanyain soal pemilu segala, emang elu mau daptarin partai juga?” tanya Sanip rada-rada bingung gaya bininye.

“Kagak begitu bang, pemilu taun kemarin aje, yang cuman 24 partai, aye sama si Udin dapet duit lumayan banyak, tuh buat beli kompor sama rak jemuran,” jawab Indun sembari cengengesan. “Jadi kalo sekarang nambah jadi 34 partai, coba abang kan bisa bayangin, kita mau beli ape lagi,” sahut mpok Indun bersemangat.

“Ntar dulu, gue bingung ape hubungan pemilu sama elu beli-belian. Emang elu dikasih pesenan buat bikin kaos, ape dapet order nyiapin konsumsinye. Ape elu juga bolehnye jadi jurkam,” kata bang Sanip keheranan.

“Yee abang emang kagak tau, kalo aye ame si Udin taun kemarin, kalo ikut kampanye dikasih duit satu orang dua puluh rebu perak sama panitia, coba deh abang itung empat puluh rebu dikali 24 partai. Udah gitu dapet kaos lagi,” jelas Indun.

“Udah gitu, satu partai juga kagak cuma sekali kampanyenye, bisa diulang-ulang. Nah kalo cuman 24 partai aja aye bisa dapat duit segitu banyak, gimane 34 partai,” mulut Indun terus nyerocos persis jurkam.

Buat sebagian orang di kota Jakarta, musim kampanye cuman bikin masalah. Masalah macet, ribut antar-pendukung partai sampe bikin kotor jalanan. Tapi buat yang laen kayak Indun sama Udin, tukang cendol, tukang teh botol, atawe tukang ketoprak, kampanye bisa jadi berkah. Berkah buat cari duit sebanyak-banyaknya.

“Ya udah terserah elu aje, tapi kan si Udin kan kudu sekolah, emang die elu mau ajak juga kampanye, kasihan dong ntar kagak ade waktu buat belajar. dah gitu kan kampanyenye masih taun depan, ngapain lagi elu ngeributin sekarang, ” sahut Sanip rada-rada sewot.

“Ya aye ikut kampanye kan seabis Udin pulang sekolah. Sore juga udah balik bang,” jawab Indun kasih alasan. “Iye tapi kan gue udah bilang itu masih lama, masih taun depan,” Sanip ngebales sembari pasang muka galak.

“Bukan begitu bang, aye sih cuman mau ngereken aje, kalo pemilu taun kemaren aye bisa beli alat-alat dapur sama sepatu buat si Udin, kali-kali aje taun depan aye bisa beli tipi baru,” jawab Indun sembari ngekhayal bakalan dapat duit banyak.

“Udeh deh sono… daripade banyak ngekhayal, mending elu bikinin gue kopi, mulut gue jadi asem nih dengerin omongan elu dari tadi,” kata Sanip kesel. “Baik abang Sanip sayang, aye bikinin kupi nyang spesial buat abang deh. Tapi abang musti inget nih, kalo banyak partai rejeki….  duit aye same Udin juga makin banyak bang,” kata Indun sambil ngeloyor masuk rumah. (*)

Iklan

Aksi

Information

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s




%d blogger menyukai ini: